Nuna tamakkerlugu naatsorsuutit

Nuna tamakkerlugu naatsorsuutini nunatta aningaasaqarnera tamakkiisumik ersarissisinneqartarpoq. Pisiarineqarsinnaasut tunisassiornermilu sullissinerit aamma nunanit allanit eqqussuinerit kiisalu taakkuninnga inuit atuilernerat, aningaasaliisarnerat aamma nunanut allanut niuernerat tunngavigalugit naatsorsuutit suliarineqartarput. Kisitsisit FN-ip nunani tamalaani malittarisassiai malillugit suliarineqartarnerat pissutaalluni Kalaallit Nunaata aningaasaqarnerata nunanut allanut FN-ip malittarisassaanik malinnittunut sanilliunneqarsinnaavoq.

Nutaarsiassat 

2008-mit 2017-imut nuna tamakkerlugu naatsorsuutit

6. december 2018 2017-imi aningaasaqarneq 1,0 pct.-imik qaffariarpoq 2017-imi Kalaallit Nunaata aningaasaqarnera 1,0 pct.-imik pitsanngoriarpoq. Piffissami 2011-miit 2016 ilanngullugu agguaqatigiissillugu BNP ukiumut 1,6 pct.-imik qaffariartarsimavoq. Læs artikel: her

2007-imit 2016-imut nuna tamakkerlugu naatsorsuutit

16. februar 2018 2007-imiit 2016-imut nuna tamakkerlugu naatsorsuutit Matumani saqqummertup (16. februar) jannuaarip 26-ani saqqummersitaq taarserpaa. Pisortat ingerlatsiveqarfiini nalikilliliinerit naatsorsoqqinneqarnerisa saniatigut Aalisarnerup Inuussutissanillu tunisassiornerup tunisassiaasa akiusimasunit kisitanngorlugit nalingi, piffissami 2013-2016, iluarsiissuteqarfigineqarput. Qulaani iluarsiissutit kinguneraat BNP-mi qaffariaat 2016-imi 7,7 pct.-inngormat. Læs artikel: her

2013-imi tunisassiornermi atuinermilu tabelit

12. januar 2017 2013-imi tunisassiornermi atuinermilu (Input-Output) tabelit Januaarip arfernani 2017-imi tunisassiorneq aallaavigalugu nuna tamakkerlugu naatsorsuutit saqqummiunneqarnerannut uiggiullugu, Naatsorsueqqissaartarfik matumuuna tunisassiornermi atuinermilu (Input-Output) tabelimik saqqummiussivoq, ukiumi inaarutaasumik naatsorsuuteqarfiusumut. Læs artikel: her

Kisitsisaataasivimmi tabelit