Isumaginninnermut tunngasut
2014-mi isumaginninnermut ikiorsiissutinut naatsorsueqqissaarneq ukiunut kingullernut naleqqiullugu annertusineqarpoq. Naatsorsuutinik saqqummersitsineq arlalinngorlugu agguaanneqarpoq soorli ’’ 2014-mi isumaginninnermut ikiorsiissutinik pisartut’’, ’’2014-mi pisortanit soraarnerussutisiallit’’ aammalu ’’Utaqqiisaagallartumik isertitanut taarsiissutaasunik ikiorsiissutinik pisartut’’. 2014-mi isumagininnermut ikiorsiissutinik pisartut-ni pineqarput inuit ukioq 2014 ingerlanerani ikiorsiissutinik pineqartunik pisartagalittut allattorneqarsimasut, apeqqutaanani ukiup ingerlanerani aningaasanik qanoq amerlatigisunik aammalu piffissami sivikinnerusumi sivisunerusumiluunniit pisartagaqarsimaneq. Naatsorsuutit taamaallaat Kisitsisaataasivimmi Naatsorsueqqissaartarfiup nittartagaani isumaginninnermut tunngasut ataanni takuneqarsinnaapput. 2014-mi pisortanit soraarnerussutisiallit saqqummersitaq nutaajuvoq utoqqalinermi soraarnerussutisiat aammalu siusinaarluni soraarnerussutisiat qaammat decemberimi, aningaasat tunngaviusut aammalu Kalaallit Nunaanni inunnik nalunaarsuiffimmi ukiup naanerani allattorsimasut malillugit naatsorsuutinik imaqartoq. Taamatuttaaq Utaqqiisaagallartumik isertitanut taarsiissutaasunik ikiorsiissutinik saqqummersitaq nutaajuvoq pisortanit ikiorsiissutinik, suliffeqanngikkallarnermi ikiorsiissutinik aammalu ernereernermi ikiorsiissutinik pisartut nalunaarsornerinik imaqartoq. Naatsorsuutini ikiorsiissutinik 500kr. sinnerlugu aammalu pisortanit suliffeqanngikkallarnermi ernereernermilu ikiorsiissutinik 1.000kr. sinnerlugu ukiumut pisartunik aammalu Kalaallit Nunaannilu inuit nalunaarsuiffianni ukiup naanerani allattorsimasunit imaqarpoq. Saqqummersitani nutaani naatsorsuutit Kisitsisaataasivimmi aaneqarsinnaapput.
